Teresa Mosquera Fortes

Teresa Mosquera Fortes, nacida o 26 de xaneiro de 1900 en Limeres, tocadora de pandeireta nas ruadas da súa localidade. Os seus pais foron Damiana Fortes e Ramón Mosquera. Tivo tres irmáns: Carmen, José e Eulogio, quen faleceu durante a guerra e crese que morreu na prisión de Burgos. 

Adicou a súa vida principalmente á agricultura. Casou con Valentín Ricoy e desta unión naceu Ramón Ricoy Mosquera, saxofonista da banda de música de Cerdedo.

Teresa Mosquera Fortes faleceu o 27 de xaneiro de 1994. Desafortunadamente, non se conserva ningún instrumento nin gravación dela. Con ela, xunto as Carballas, facemos un pequeno percorrido das tocadoras nas ruadas do lugar de Limeres.