Aportación ó cancioneiro de Cotobade
Antonio Fraguas Fraguas

185

Cando vaias pra Caroi
ten coidado no camiño,
mira que che está o demo
metido nun buratiño.

215

Carreteiros de Cerdedo
van polo Paraño arriba;
meniñas de Vilapouca
téndelle a carne cocida.

273

De Caroi á Corredoira
hai moi pouquiño que andar,
por eso os enamorados
teñen pouco que falar.

298

En Loureiro teño amores,
en Caroi non teño nada,
e na parroquia veciña
teño unha palabra dada.

414

Fun ó Santo Estevo a Pedre
vin polo San Xoán de Dorna,
veño moi agradecido
desa María Polonia.

426

Hei de ir casar a Caroi,
¡que demoro pode ser!
anque non haxa máis
pataquiñas ha de haber.

434

Heime de casar en Caroi
que é terra de moito pan,
o forno da miña sobra
cría silvas polo vran.

472

Mariana de Soutelo
ten a saia de veludo,
e por debaixo da saia
ten un bicho cabeludo.

619

O Abalde de Cerdedo
ten unha vena de louco;
señor San Xoán de Cerdedo
non o poña para do outro.

672

O gaiteiro de Soutelo
mal raio de Dios o mate,
non quere tocar a gaita
sin tomar o chicolate.

674

O lugar de Vilaalén
de lonxe parece vila,
ten un caravel na entrada
e unha rosa na salida.

789

Quen me dera en Caroi
un pedaciño de terra,
para ir botar a auga
e pasearme por ela.