José María Barbeitos Sanmartín

José María Barbeitos Sanmartín, máis coñecido como O Caminero, foi un trombonista natural de Cerdedo, nado o 11 de febreiro de 1888. 

Casou con Dorinda Varela Sieiro, e ambos fixeron do poboado de Arén a súa casa. O traballo de José María como peón camiñeiro durou moitos anos, sendo o encargado do tramo de estrada que unía Cerdedo e Presqueiras (Forcarei). Este traballo fixo que o músico fose coñecido polo alcume de O Caminero en Cerdedo.